Gwobrau Elusennau
Cymru 2024

Gwobrau Elusennau Cymru 2024!

Mae Gwobrau Elusennau Cymru, a drefnir gan CGGC, yn cydnabod ac yn dathlu’r cyfraniad gwych y mae elusennau, grwpiau cymunedol, mudiadau dielw a gwirfoddolwyr yn ei wneud i Gymru drwy amlygu a hyrwyddo’r gwahaniaeth cadarnhaol y gallwn ei wneud i fywydau ein gilydd.

Mae’n hollol rhad ac am ddim i gymryd rhan yng Ngwobrau Elusennau Cymru diolch i gefnogaeth garedig ein noddwyr.

Dyddiadau allweddol 2024

Mae enwebiadau ar gyfer y Gwobrau 2024 nawr ar agor.

Mae wyth categori yng Ngwobrau Elusennau Cymru.

Gwirfoddolwr y Flwyddyn (26 oed a hŷn)

Bydd y wobr hon yn mynd i unigolyn eithriadol sy’n gwneud cyfraniad arbennig iawn at ei gymuned neu’r amgylchedd drwy wirfoddoli. Gall y gwirfoddolwr hwn fod yr un sy’n arwain ac yn ysbrydoli eraill, neu sy’n ‘mynd yr ail filltir’ i ‘ddod â phopeth i fwcwl’, neu’r un y tu ôl i’r llenni sy’n dal popeth gyda’i gilydd. Y naill ffordd neu’r llall, bydd y ffocws ar y gwahaniaeth positif sydd wedi’i wneud, yn hytrach nag ar faint o amser a dreuliwyd yn gwirfoddoli. Bydd yr enwebai buddugol yn dangos y newid y gall cyfraniad gwirfoddoli unigolyn ei wneud, fel effaith y gwirfoddoli ar fuddiolwyr, y gymuned neu’r amgylchedd neu’r effaith ar wirfoddolwyr eraill neu staff.

Gwirfoddolwr Ifanc y Flwyddyn (25 oed ac iau)

Bydd y wobr hon yn mynd i unigolyn eithriadol sy’n gwneud cyfraniad arbennig iawn at y gymuned neu’r amgylchedd drwy wirfoddoli. Gall y gwirfoddolwr hwn fod yr un sy’n arwain ac yn ysbrydoli eraill, neu sy’n ‘mynd yr ail filltir’ i ‘ddod â phopeth i fwcwl’, neu’r un y tu ôl i’r llenni sy’n dal popeth gyda’i gilydd. Y naill ffordd neu’r llall, bydd y ffocws ar y gwahaniaeth positif sydd wedi’i gyflawni, yn hytrach nag ar am faint o amser a dreuliwyd yn gwirfoddoli. Bydd yr enwebiad buddugol yn dangos y newid y gall cyfraniad gwirfoddol unigolyn arwain ato, fel effaith gwirfoddoli ar fuddiolwyr, y gymuned neu’r amgylchedd neu’r effaith ar wirfoddolwyr eraill neu staff.

Codwr arian y flwyddyn

Bydd y wobr hon yn mynd i fudiad, unigolyn neu dîm sydd wedi gwneud cyflawniadau eithriadol yn ei weithgareddau codi arian neu weithgareddau cynhyrchu incwm ehangach yn ystod y flwyddyn ddiwethaf. Gallai hyn ymwneud ag ymgyrch, digwyddiad neu weithgaredd codi arian arall.

Mae’r panel yn arbennig o awyddus i weld enghreifftiau o le mae rhywun wedi mynd ati mewn modd strategol. Er enghraifft, lle mae’r gweithgaredd wedi’i ymchwilio’n dda, wedi’i alinio â gweledigaeth a chenhadaeth y mudiad a lle mae wedi dod â budd ychwanegol i’r mudiad a/neu ei fuddiolwyr y tu hwnt i’r incwm hwn (fel codi ymwybyddiaeth o’ch brand neu achos).

Hyrwyddwr amrywiaeth

Bydd y wobr hon yn mynd i fudiad neu grŵp sydd wedi gwneud ymdrechion eithriadol i hybu cydraddoldeb, amrywiaeth a chynhwysiant o fewn eu cymuned. Rydyn ni eisiau cydnabod a dathlu’r rheini sydd wedi gweithio’n ddiflin i greu amgylchedd mwy cynhwysol a chroesawgar i holl aelodau’r gymdeithas, waeth beth yw eu hil, rhyw, cyfeiriadedd rhywiol, crefydd, anabledd neu gefndir.

Rydyn ni’n annog enwebiadau sydd wedi dangos ymrwymiad i hyrwyddo amrywiaeth a chynhwysiant yn eu rhaglenni, gwasanaethau, polisïau ac arferion, er mwyn dathlu cyfraniadau’r rheini sydd wedi helpu i wneud ein cymunedau yn fwy cyfartal, amrywiol a chynhwysol.

Defnydd o’r Gymraeg

Bydd y wobr hon yn mynd i fudiad neu grŵp sy’n gallu dangos ymdrech arbennig i gynnig gwasanaeth(au) Cymraeg.

Rydyn ni’n chwilio am fudiadau sy’n arwain y ffordd i gwrdd ac anghenion eu defnyddwyr gwasanaeth drwy ddatblygu a chynnig gwasanaeth(au) Cymraeg. Bydd y mudiad buddugol yn gallu dangos sut maen nhw wedi ystyried anghenion eu defnyddwyr gwasanaethau ac wedi defnyddio dull arloesol i oresgyn rhai o’r heriau y maen nhw wedi’u hwynebu wrth gynnig gwasanaeth yn y Gymraeg. Byddant hefyd yn egluro sut mae profiad y defnyddiwr gwasanaeth wedi gwella drwy ddarparu gwasanaethau yn y Gymraeg

Bydd y wobr hon yn mynd i grŵp neu fudiad sydd wedi rhoi cynnig ar ddull newydd neu wedi gwneud rhywbeth blaengar neu arloesol i wneud gwahaniaeth enfawr i fywydau pobl.

Mudiad bach mwyaf dylanwadol

Bydd y wobr hon yn mynd i fudiad bach sydd wedi dylanwadu – neu sy’n dylanwadu – ar newid positif i bolisïau neu arferion yng Nghymru, ar unrhyw lefel, o leol i genedlaethol.

Bydd y mudiad buddugol yn dangos sut maen nhw wedi gweithio gyda phobl eraill i wneud newid positif yng Nghymru ac yn dangos sut mae eu gwaith dylanwadu yn cyfrannu at wneud Cymru yn wlad decach a mwy tosturiol. Rydym yn croesawu’n arbennig enwebiadau gan fudiadau bach sy’n gweithio’n galed i roi profiadau bywyd wrth wraidd yr hyn y maen nhw’n ei wneud.

Noder: Mudiadau bach yw’r rheini ag incwm o lai na £500,000 y flwyddyn

Iechyd a lles

Bydd y wobr hon yn cael ei chyflwyno i grŵp neu fudiad sydd wedi gwneud gwahaniaeth cadarnhaol i’w cymuned drwy wella iechyd a lles meddyliol a/neu gorfforol. Bydd y cais buddugol yn dangos y newid cadarnhaol yn iechyd a lles eu cymuned neu gymdeithas ehangach o ganlyniad i’w camau gweithredu. Bydd hefyd yn amlygu eu dull arloesol o wella iechyd a lles.

Mudiad y flwyddyn

Bydd y wobr hon yn mynd i fudiad eithriadol sydd wedi cyflawni llawer iawn yn y flwyddyn ddiwethaf ac y mae eraill yn y sector yn ei barchu a’i edmygu. Bydd y cais buddugol yn fudiad gwydn ac yn dangos safonau uchel o lywodraethu. Bydd mudiad y flwyddyn hefyd yn gallu dangos sut y mae wedi cyflawni ei amcanion drwy arloesi a thynnu sylw at yr effaith gadarnhaol y mae wedi’i chael ar ei ddefnyddwyr gwasanaethau, gan newid bywydau er gwell.

Yn ogystal â’r uchod, bydd y mudiad yn gallu dangos ei ymrwymiad i gydraddoldeb, amrywiaeth, cynhwysiant, gwrth-hiliaeth a’r Gymraeg.

Llongyfarchiadau i enillwyr y llynedd

Gwirfoddolwr y flwyddyn – Nicola Harteveld
Gwirfoddolwr ifanc y flwyddyn – Sara Madi
Cynhyrchydd incwm y flwyddyn – Tŷ Hafan
Hyrwyddwr amrywiaeth – Rhwydwaith Cydraddoldeb Menywod (RhCM) Cymru
Defnydd gorau o’r Gymraeg – Gwasanaeth Ffôn Cymorth Dementia Cymdeithas Alzheimer Cymru
Arloeswr – Gwirfoddolwyr Cymunedol Cymru
Iechyd a lles – Wye Gymnastics & Galaxy Cheerleading
Mudiad y flwyddyn – Cyngor Ffoaduriaid Cymru

Cymerwch ran yng Ngwobrau Elusennau Cymru i roi sylw i’ch hoff fudiad gwirfoddol neu wirfoddolwr a rhoi’r cyfle iddynt gael ychydig o gydnabyddiaeth haeddiannol a noson i’w chofio!

Cydnabod – p’un ai y byddwch chi’n ennill gwobr neu’n cyrraedd y rownd derfynol, mae cael eich enwebu am wobr yn dangos i’ch mudiad neu unigolyn bod ei waith yn cael ei werthfawrogi ac yn gwneud gwahaniaeth enfawr
Dathlu – treuliwch amser yn dathlu llwyddiant eich tîm (neu wirfoddolwr arbennig) gyda chyfle i bawb yn y rownd derfynol ddod i’n seremoni wobrwyo odidog
Rhowch sylw i chi’ch hun – gall gyrraedd rownd derfynol y gwobrau godi eich proffil yn fawr, o gael sylw yn y cyfryngau i ddangos ansawdd eich gwaith i gyllidwyr a phenderfynwyr

Ni allai fod yn haws cyflwyno enwebiad. Mae pedwar cam syml:

Rheolau

Rhaid derbyn enwebiadau erbyn 5 pm ar 13 Medi 2024
Gwnewch un enwebiad yn unig fesul ffurflen enwebu
Dim ond un enwebai neu grŵp y cewch chi ei enwebu ym mhob categori
Rhaid i mudiadau a grwpiau enwebedig fod wedi’u lleoli yng Nghymru neu’n gweithio yng Nghymru
Rhaid i wirfoddolwyr enwebedig naill ai fyw yng Nghymru neu wneud eu gwaith gwirfoddoli yng Nghymru
Rydym yn croesawu enwebiadau ar gyfer unigolion a grwpiau sy’n gwirfoddoli dramor ar gyfer mudiad rhyngwladol sydd wedi’i leoli yng Nghymru
Rhaid ceisio caniatâd y Prif Swyddog/Cyfarwyddwr neu Gadeirydd y mudiad a enwebwyd cyn i enwebiad gael ei gyflwyno
Rhaid ceisio caniatâd y gwirfoddolwr neu grŵp o wirfoddolwyr cyn cyflwyno’r enwebiad
Rhaid cael caniatâd rhieni gan unrhyw wirfoddolwr o dan 16 oed
Rhaid i bob ateb ymwneud â gweithgaredd diweddar
Mae penderfyniad y beirniaid ar geisiadau yn derfynol. Mae’r beirniaid yn cadw’r hawl i beidio â gwneud dyfarniad mewn unrhyw gategori penodol os ydynt yn teimlo nad yw enwebiadau’n addas
Penderfyniad CGGC yw natur y gwobrau a gyflwynir. Ni fydd unrhyw wobrau amgen yn cael eu hystyried
Gellir trosglwyddo’r manylion a ddarperir ar y ffurflen enwebu i mudiadau partner ac i’r cyfryngau at ddibenion cyhoeddusrwydd. Os nad ydych yn fodlon i unrhyw wybodaeth gael ei rhannu yn y modd hwn neu os nad ydych yn dymuno i mudiadau cyfryngau gysylltu â’r mudiad a enwebwyd neu’r enwebwr, rhowch wybod i ni cyn gynted â phosibl

Gyda diolch arbennig i’n prif noddwyr ar gyfer 2024, Y Brifysgol Agored yng Nghymru.

Gyda diolch arbennig i noddwyr ein categori ar gyfer 2024:

Cyfleoedd noddi

Edrychwch ar ein pecynnau noddi, neu siaradwch â ni am y cyfleoedd noddi sy’n gweithio i chi.

I gael gwybod yr holl gyfleoedd noddi a hysbysebu, cysylltwch â Wendy Gilbert drwy anfon e-bost at gwobrau@wcva.cymru neu 0300 111 0124.

The Awards are judged by a panel of experts, each with different but relevant experience across several of the categories.

The judges assess the nominations against the criteria set out in the nomination forms.

Welsh Charity Awards judges for 2022:

[Photo and short description about each judge]